驅蝗行動? 一個小市民的感想

星期日發起的驅蝗行動示威，連日受到多位高級官員嚴詞遺責，又話犯法，又話要拉。左派人仕、傳媒更是口誅筆伐。

咁作為一個小市民，又會點諗呢 ?

廣東道，一個我曾經工作多年的地方，名店林立。坦白說，購物一定要去逛一逛。

你說香港人不歡迎遊客嗎 ? 請你想一想遊客會隨街大小便嗎? 會大量搶購當地市民的日常生活用品嗎 ? 

我只是一個小市民，我也想生活安穩。現在，我的生活社區，每天只看見一車又一車的所謂 "自由行旅客" 到社區中搶購日用品。而商店只有倒模式的組合，名牌連鎖成衣，金飾店，藥房。每次到周末，搶購的高峰時段，我只能窩在家裡，享受片刻的寧靜。

有某位利字當頭的人，還叫大家可到大陸去旅行，請那個人用正常的角度去思想，如果有病就不要諱疾忌醫。有誰想離開自己的家中花園，而去參觀或借用別人的人造公園。

遊客啊~ 香港人不是野蠻人，也不是不喜歡賺錢的機會。但是，請想想，如果有人無限制的到你家作客，連你留給自用的食物，給小孩的必需品也搶奪。更為了招待不速之客，連家也被毀了，你會不發出怒吼嗎 ? 

[大魔怪特集] 我有進步呀。樂觀? 定係我失敗呢?

噚晚，大魔怪叫我同魔怪媽咪一齊坐定定聽佢講啲野喎。

大魔怪: 我今日好開心呀。
我: 咩事呀??
大魔怪: 老師今日讚我有進步呀。

(嘩! 竟然會俾人讚呀。)
我 (興奮地): 哦! 係呀, 點解既~
大魔怪: 我今日雖然有小小傾計，不過冇大叫囉~

(頂! 唔大叫就叫有進步~~~~ 妖)
我 (微笑, 仲要好興奮咁): 係呀~~~， 咁你要繼續努力呀~，快啲去做功課啦。

其實，雖然可能係好微不足道既事，但係對於阿仔黎講，已經係好滿足既，我亦都相信，總有一日，佢會有機會發揮所長，唔好俾世俗既眼光束縛住你呀。你要繼續好好努力呀。

(後話: 大魔怪講完呢番話，外母大人就不斷晌廚房話大魔怪，上堂就唔應該講野，又呢樣又果樣。其實，我明白佢係愛之深，責之切。不果呢樣，其實唔係我好成功架，我可以證明。)

[劇…分享] FLU 감기 (港譯: 戰疫) 一發不可收拾的疫症，如果在你我身邊發生又會如何呢！

新年期間，大小魔怪到外婆家暫住，我終於有一點點私人時間去欣賞一下電影。

昨晚，在衛視電影頻道有一套韓國電影 - FLU 감기 (港譯: 戰疫) 上架，雖然喜歡韓星、K-pop、韓食等等，但電影真的不常接觸。而當初認識這電影是一眾網友在網路分享劇情時，略有認識，可惜未有時間到戲院欣賞 (唉，因為時間都分給家人了)。正好在這時間給我重遇，不理新年風習，也要看看。

故事講述一批偷渡客偷渡到韓國，當中一人帶有不明病毒 (疑似禽流感)。抵達韓國後，幾十名偷渡客已經死亡，只有一名生還者，蛇頭只好繼續將該名偷渡客運出市區，但是運送的過程中，已經將世紀疫症帶到社區，並迅速傳播開去。

男主角救援隊員因一次工作中，認識了女主角一位已為人母的醫生。由於女主角因工作關係，丟下女兒。女兒亦意外下接觸到帶有抗體的偷渡客，並感染病毒。

整套電影，節奏緊湊，而且不同港產般，永遠要讓戲中角色們發展愛情。

當中男主角在對女主角有好感才幫忙照顧女孩，但在疫症開始擴散，男主角本著救援人員身份，幫助其他人。

而且女主角也不像其他電影，用英雄式的身份，不斷研究疫苗。而是會有作為媽媽的主私及愛女的心。例如︰她不理會有機會會傳染他人，忍瞞女兒受到感染，將她帶到隔離營。

而戲中亦表現出人性的醜惡面，好像疫病初期，國會議員怕負責任，拒絕專家的封城建議。到中期，總理不理承諾將所有人困於隔離營。最後，更為以大眾的利益為名，下令對無辜的市民開槍。

不過，亦有不少令人震撼的場面。有一幕，男主從好像停屍間的停車場，走到一個用在處理屍體的球場，看見起重機將一堆屍體掉到一個亂葬崗似的大坑，真的非筆墨可形容，如果用電影銀幕觀賞，心可能也會跳出來。

另外不得一讚，戲中童星女主角的女兒，可說是戲中的靈魂人物，將男女主角連在一起，亦將劇情推上高潮。最後一幕，女孩在警戒線與母親重聚，並隻身擋在母親面前，希望軍隊不要開槍。而更激發普通市民不理安危，團團包圍保護女童。對於眼淺的我，也不禁讓淚珠在眼眶中滾動。

總括而言，此電影絕對比得上荷理活製作，亦不會有太多造作的不必要的感情戲。如果有時機會大家不妨一看。

妖怪家長

小弟尋日潛水休息，帶左大魔怪去左參加校際朗誦節，大魔怪好可惜差一分就可以有名次，同第一名只係差三分。

不過睇到佢出場淡定自若，懂得避重就輕既演出，其實佢已經係我既冠軍喇。

不過呢，身處呢啲環境真係可以睇到好多港豬/單非家長既百態。

1. 啲家長唔得閒，唔緊要，你搵個工人帶小朋友，都唔係問題，工人姐姐都唔識規矩，唔該將個電話較去靜音啦。

2. 入左場既家長，自己晌度用tablet，睇報紙，更有人呵欠連連，同有人一入場就瞓左。大佬呀，你唔尊重自己，都尊重下個比賽，尊重下參賽者啦。你地係咁唔想晌度，可以放低小朋友，等佢自己比賽。

3. 比賽中途，有個南亞裔既小朋友唔記得左小小，就話唔係唔係，有個疑似單非既家長就"拮"一聲笑出黎，其實個場地係一個千呎多既房，你咁樣一笑，啲參加者既感覺會點。

4. 比賽過後，有於參加者比較多，我選擇到外面去等待結果(因為我都好緊張)，宣佈結果之前，評判就對比賽總括評語。不過，我身邊有一對港豬父母，就不斷咁講野，話呢樣，講果樣，仲話點解個評判咁多野講，屌，評判睇到既，講番俾參加者知，係可以改善佢地既技巧。如果你咁唔撚中意聽，請你坐定定。一門之隔，裡面啲人係會有機會聽到呀。

總結，有咁既港豬家長，就有點樣既港童，港豬禍港。非我輩妖怪家長所能改。只希望大小魔怪身體健康，唔好識太多港童。

妖怪家長 上

[動漫分享] 熱血動漫 - AKB0048 和 戰姬絕唱

最近，看了三套很想跟大家分享一下，當然我是用一個非專業的角度去介紹一下啦。當中包括了 AKB0048 1 & 2 和 戰姬絕唱 SYMPHOGEAR。

AKB0048 是講述二十一世紀開始，因為世界大戰的關係，地球已經不適合人類居住。人類開始前往不同星球居住，而當時的政府認為演藝活動及唱歌會嚴重影響人的心智，所以對演藝活動嚴格管制、甚至禁止演藝活動。

而非法偶像團體AKB0048，以秋葉星(人工城市)為據點，對禁止演藝活動作出反抗，希望將光明，希望同夢想等信念，傳播到活在黑暗的人身上。

主角們在小時候有機會接觸AKB0048的現場表演，大為感動，決意要參與AKB0048，並成為第77期的研究生。

故事中，少女們除了要接受成為偶像的才藝訓練外，亦須要接受作戰訓練，以對抗政府機構的武力攻擊。當中，發展出成員之間的友情，對自身能力不足的迷思不安等故事。

而戰姬絕唱SYMPHOGEAR是發生在未來世界，人們受到 Noise 的攻擊，而受到攻擊的人會炭化而死。普通的槍彈攻擊對Noise 起不了作用。科學家從古代的遺跡發掘出聖遺物並加以研究，發現聖遺物可經一定容量的歌聲而啟動，並發展成名為SYMPHOGEAR的系統，而適合者更可穿上SYMPHOGEAR的武裝，及對 Noise進行反擊。

主角少女，在一場巧合的情況下，被一名SYMPHOGEAR的適合者所救，可惜適合在作戰中死亡，而聖遺物亦在意外的情況擊中主角，並遺留在主角身上。

數年後，主角在一次幫助一位被Noise攻擊的小孩子，喚醒了聖遺物的力量，及開始學習使用保護身邊的人。

大家可能會想，這兩套動畫有幾熱血呢。

這兩套動畫，不單只有友情的部份，亦有不少節奏明快的戰鬥畫面，再配上悅耳的歌曲，心情真的會激動起來。

緣份

緣份是甚麼！？

大家有沒有好好想過這問題呢？可能您會立即想到的是男女之間的感情吧，這只可以說是緣份的其中一種解釋吧。

但我認為緣份可說是組成生活的一個重要原素，每一個相遇的緣份，每每會成為人一生精彩的生活一部份。

假設您出生於一個完全相反的家庭，您現在的生活會一樣嗎~~？

假如您的人生遇上的人，與現在完全不同，試想像一下你的人生會一樣嗎？

坐這山 望那山 一事無成

昨晚同老婆閒話家常，突然，她好學的問了一個問題。

她問：有句說話，咩咩咩，一事無成。

我：哦，坐這山，望那山，一事無成呀。

好奇之下，就去找一下(當然因為自己唔記得在那裡學過)。原來出自清朝曾國藩，意思大約是比喻人不腳踏實地做好份內事，經常好高騖遠，最後自會失敗。

這不是叫大家不要有夢想，而是提醒大家，要完成夢想，就應該腳踏實地一步步實行，而且只想不做那會成功。

雖然我年紀不少，談不了大夢想。

但我仍有夢，那唯有努力工作。

20130825 - 有彩虹的一天

2013年 8月 25日 星期日
晴，隔中有雨

今日比較忙，因為大魔怪要參加武術比賽，所以一早已經起床梳洗出門。

小魔怪仲未起身，我就梗係快快手換衫，廢事拖拖拉拉等陣累哥哥遲到啦。差唔多攪掂出門口，突然有一把聲叫我喎。

小魔怪：爸爸，你換衫去邊呀！

我：爸爸換衫出街囉。

小魔怪：爸爸，你換衫出街去邊唧！(注意已提高聲浪高八度 )

時間、地點、人物

唔知大家有冇曾經想過 時間、地點、人物既相互關係呢。我覺得呢三個成份係會對人既一生有好大既影響。

就好似如果我係出生於八十年代後期，咁會點呢。我會唔會做緊咩，定係晌邊度呢？

如果我身處既地方唔係香港，而係澳門，或者台灣，甚至係外國。咁又會點呢？

如果我唔係遇到我既老竇、老媽子，唔係遇到我既老婆，咁究竟會點呢？

可能我既一生已經唔同晒。

既然有這樣的因素，才有這樣的人生。所以我會更加珍惜現在擁有的人同事，好好欣賞相遇的人和物。

西貢勝記海鮮酒家 - 名不虛傳，米芝連級海鮮酒家 (下)

接 西貢勝記海鮮酒家 - 名不虛傳，米芝連級海鮮酒家 (上)

美食一路送上，刺激完舌頭之後，梗係俾佢休息一陣啦，黎一個粉絲清蒸貴花蚌。貴花蚌有半隻手掌大，清蒸保存左佢既鮮味，爽口又多汁，唔好以為粉絲淨係一個點綴呀，佢吸收左蚌汁味道，令到平平無奇既粉絲都變成主角。

一人一隻，唔好爭。

粉絲好好味，好配合呀。

上菜既時間預計得剛剛好，食完貴花蚌，令一個餸又到，就係炒蟶子皇呀。炒蟶子皇好多地方都係用豉椒炒，勝記都係。咪住，除好香既豉椒味，仲有另一陣香味。好奇心下，即刻問下伙計先，原來佢地除左用豉椒外，仲加入左九層塔呀，令到香味既層次更加豐富，上網搜尋過先知，唔係好多地方咁整呀。送飯一流。