噚晚，大魔怪叫我同魔怪媽咪一齊坐定定聽佢講啲野喎。
大魔怪: 我今日好開心呀。
我: 咩事呀??
大魔怪: 老師今日讚我有進步呀。
(嘩! 竟然會俾人讚呀。)
我 (興奮地): 哦! 係呀, 點解既~
大魔怪: 我今日雖然有小小傾計，不過冇大叫囉~
(頂! 唔大叫就叫有進步~~~~ 妖)
我 (微笑, 仲要好興奮咁): 係呀~~~， 咁你要繼續努力呀~，快啲去做功課啦。
其實，雖然可能係好微不足道既事，但係對於阿仔黎講，已經係好滿足既，我亦都相信，總有一日，佢會有機會發揮所長，唔好俾世俗既眼光束縛住你呀。你要繼續好好努力呀。
(後話: 大魔怪講完呢番話，外母大人就不斷晌廚房話大魔怪，上堂就唔應該講野，又呢樣又果樣。其實，我明白佢係愛之深，責之切。不果呢樣，其實唔係我好成功架，我可以證明。)
No comments:
Post a Comment