[動漫分享] 熱血動漫 - AKB0048 和 戰姬絕唱

最近，看了三套很想跟大家分享一下，當然我是用一個非專業的角度去介紹一下啦。當中包括了 AKB0048 1 & 2 和 戰姬絕唱 SYMPHOGEAR。

AKB0048 是講述二十一世紀開始，因為世界大戰的關係，地球已經不適合人類居住。人類開始前往不同星球居住，而當時的政府認為演藝活動及唱歌會嚴重影響人的心智，所以對演藝活動嚴格管制、甚至禁止演藝活動。

而非法偶像團體AKB0048，以秋葉星(人工城市)為據點，對禁止演藝活動作出反抗，希望將光明，希望同夢想等信念，傳播到活在黑暗的人身上。

主角們在小時候有機會接觸AKB0048的現場表演，大為感動，決意要參與AKB0048，並成為第77期的研究生。

故事中，少女們除了要接受成為偶像的才藝訓練外，亦須要接受作戰訓練，以對抗政府機構的武力攻擊。當中，發展出成員之間的友情，對自身能力不足的迷思不安等故事。

而戰姬絕唱SYMPHOGEAR是發生在未來世界，人們受到 Noise 的攻擊，而受到攻擊的人會炭化而死。普通的槍彈攻擊對Noise 起不了作用。科學家從古代的遺跡發掘出聖遺物並加以研究，發現聖遺物可經一定容量的歌聲而啟動，並發展成名為SYMPHOGEAR的系統，而適合者更可穿上SYMPHOGEAR的武裝，及對 Noise進行反擊。

主角少女，在一場巧合的情況下，被一名SYMPHOGEAR的適合者所救，可惜適合在作戰中死亡，而聖遺物亦在意外的情況擊中主角，並遺留在主角身上。

數年後，主角在一次幫助一位被Noise攻擊的小孩子，喚醒了聖遺物的力量，及開始學習使用保護身邊的人。

大家可能會想，這兩套動畫有幾熱血呢。

這兩套動畫，不單只有友情的部份，亦有不少節奏明快的戰鬥畫面，再配上悅耳的歌曲，心情真的會激動起來。

緣份

緣份是甚麼！？

大家有沒有好好想過這問題呢？可能您會立即想到的是男女之間的感情吧，這只可以說是緣份的其中一種解釋吧。

但我認為緣份可說是組成生活的一個重要原素，每一個相遇的緣份，每每會成為人一生精彩的生活一部份。

假設您出生於一個完全相反的家庭，您現在的生活會一樣嗎~~？

假如您的人生遇上的人，與現在完全不同，試想像一下你的人生會一樣嗎？

坐這山 望那山 一事無成

昨晚同老婆閒話家常，突然，她好學的問了一個問題。

她問：有句說話，咩咩咩，一事無成。

我：哦，坐這山，望那山，一事無成呀。

好奇之下，就去找一下(當然因為自己唔記得在那裡學過)。原來出自清朝曾國藩，意思大約是比喻人不腳踏實地做好份內事，經常好高騖遠，最後自會失敗。

這不是叫大家不要有夢想，而是提醒大家，要完成夢想，就應該腳踏實地一步步實行，而且只想不做那會成功。

雖然我年紀不少，談不了大夢想。

但我仍有夢，那唯有努力工作。

20130825 - 有彩虹的一天

2013年 8月 25日 星期日
晴，隔中有雨

今日比較忙，因為大魔怪要參加武術比賽，所以一早已經起床梳洗出門。

小魔怪仲未起身，我就梗係快快手換衫，廢事拖拖拉拉等陣累哥哥遲到啦。差唔多攪掂出門口，突然有一把聲叫我喎。

小魔怪：爸爸，你換衫去邊呀！

我：爸爸換衫出街囉。

小魔怪：爸爸，你換衫出街去邊唧！(注意已提高聲浪高八度 )

時間、地點、人物

唔知大家有冇曾經想過 時間、地點、人物既相互關係呢。我覺得呢三個成份係會對人既一生有好大既影響。

就好似如果我係出生於八十年代後期，咁會點呢。我會唔會做緊咩，定係晌邊度呢？

如果我身處既地方唔係香港，而係澳門，或者台灣，甚至係外國。咁又會點呢？

如果我唔係遇到我既老竇、老媽子，唔係遇到我既老婆，咁究竟會點呢？

可能我既一生已經唔同晒。

既然有這樣的因素，才有這樣的人生。所以我會更加珍惜現在擁有的人同事，好好欣賞相遇的人和物。

西貢勝記海鮮酒家 - 名不虛傳，米芝連級海鮮酒家 (下)

接 西貢勝記海鮮酒家 - 名不虛傳，米芝連級海鮮酒家 (上)

美食一路送上，刺激完舌頭之後，梗係俾佢休息一陣啦，黎一個粉絲清蒸貴花蚌。貴花蚌有半隻手掌大，清蒸保存左佢既鮮味，爽口又多汁，唔好以為粉絲淨係一個點綴呀，佢吸收左蚌汁味道，令到平平無奇既粉絲都變成主角。

一人一隻，唔好爭。

粉絲好好味，好配合呀。

上菜既時間預計得剛剛好，食完貴花蚌，令一個餸又到，就係炒蟶子皇呀。炒蟶子皇好多地方都係用豉椒炒，勝記都係。咪住，除好香既豉椒味，仲有另一陣香味。好奇心下，即刻問下伙計先，原來佢地除左用豉椒外，仲加入左九層塔呀，令到香味既層次更加豐富，上網搜尋過先知，唔係好多地方咁整呀。送飯一流。

西貢勝記海鮮酒家 - 名不虛傳，米芝連級海鮮酒家 (上)

話說，我的同事雖然大家已經日日都見。但是我們每月都總會安排一晚，一班同事到不同的酒樓館子，品嚐不同的美食。而今次是大家已經熱烈地討論了一段時間的海鮮餐。

其實要嚐海鮮餐，已經是年初的提議。但由於時間和地點未有共識，而一再推遲。今次正好大伙兒出了獎金，為了好好回報自己過去的辛勤努力 (老實說，也不是太辛苦)。同事們都很積極安排這次活動。

香港出名食海鮮的地方，不外乎，屯門三聖、油塘的鯉魚門、南丫島和今次的目的地 - 西貢。

由於要好好慰勞一下自己，同事就選擇了西貢勝記海鮮酒家，因為剛在2013年成為米芝連級的酒家，同事話一定要去試一試。

尊重、接納、包容

尊重、接納、包容

呢三個詞語我諗大部份人都懂得讀，懂得寫，懂得解。

但係究竟有幾多人懂得做呢？坦白說，我也不懂，因為知易行難，如果能夠做到其中一樣，那個人已經很厲害。如果能做齊三項，那個人基本上，已經是聖人的級數吧。為什麼我會說知易行難呢？就讓我用以下在醫院的急症室所見所聞，和大家看一看。

昨晚，因為一點小意外，在醫院的急症室等待了接近三小時。

中國人的世界

世界係只屬於中國人的嗎!?

其實，晌2012年既倫敦奧運已經有這種想法，當時劉翔復出參加比賽，全中國上下的人都希望他能取得勝利。結果，勉強出賽在廣大觀眾前倒下。中國只得一位劉翔嗎??

去到2012年中，一個海島的爭執嘅時候。見到一股被煽動及利用的民族情緒時，坦白說，我曾希望這個民族，早早就消失在歷史的洪流中。

最近又發生了李娜事件，真係深深咁體會「生係中國人，死係中國魂」，呢個枷鎖。

中國官媒批李娜「任性傷人」引眾怒

冀望中國人也好，中國魂也好，可以快一點解脫，唔使再受罪~

香脆可口的咖哩吉列豬排，佢一定有份~~~

就快又到午飯時間，各位朋友你地諗到食咩未呀??

如果晌尖沙咀既朋友，不如試下呢間啦。

東園

尖沙咀海防道390號熟食檔1號舖

呢間野，其實就晌海防道天橋底既熟食市場裡面，而呢類咁樣既熟食市場，基於安全同衛生問
題，其實已經買少見少。所以唔去試食，都好應該去睇下，因為好似一年前就開始傳出，熟食
市場會進行裝修。

雖然熟食市場外面睇落好似好污糟，但係裡面都有好多美食架。

其實，之前晌尖沙咀返工，日日下晝都晌東園食飯已經變成我既飯堂一樣，希望話俾大家知晌尖沙咀食野，好食的唔一定要貴。

首先，要推介他們的咖哩吉列豬排飯，呢樣食物好多地方有得食，但唔係一定做得好食。但係呢度既咖哩吉豬，一定唔會令人失望。

他們的秘制咖哩汁，香濃但不會辣，適合大人及小朋友。 吉列豬排即叫即整，入口時香脆，豬排炸得剛剛好，唔會干晒，仲有肉汁。

加上一杯凍奶茶，正呀。但係記得要小甜，我會叫小小甜，因為水吧大哥落甜都幾重手呀。

埋單都係三十幾，好味。

搵日，我都係返去嘆下先。