晴，隔中有雨
今日比較忙，因為大魔怪要參加武術比賽，所以一早已經起床梳洗出門。
小魔怪仲未起身，我就梗係快快手換衫，廢事拖拖拉拉等陣累哥哥遲到啦。差唔多攪掂出門口，突然有一把聲叫我喎。
小魔怪：爸爸，你換衫去邊呀！
我：爸爸換衫出街囉。
小魔怪：爸爸，你換衫出街去邊唧！(注意已提高聲浪高八度 )
我：爸爸同哥哥出街去比賽呀。(已經唔可以再隱瞞同哥哥出去)
小魔怪：吓，咁我點呀，咁我未冇早餐食囉。(聲音已經開始發抖)
老婆即刻都忍唔住要開聲
老婆：等陣媽咪同你去食喇。
小魔怪：吓，咁我點呀，我好肚餓呀。(佢跟本就無將老婆講既野聽入耳)
唯我就有急急腳落街買早餐俾阿小姐啦。
唔通我既存在價值就係外賣速遞~~~~~
送一張小魔怪瞓完晏覺既相，佢一睜開眼，就話：嘩~~~~~彩虹呀。
No comments:
Post a Comment