香脆可口的咖哩吉列豬排，佢一定有份~~~

就快又到午飯時間，各位朋友你地諗到食咩未呀??

如果晌尖沙咀既朋友，不如試下呢間啦。

東園

尖沙咀海防道390號熟食檔1號舖

呢間野，其實就晌海防道天橋底既熟食市場裡面，而呢類咁樣既熟食市場，基於安全同衛生問
題，其實已經買少見少。所以唔去試食，都好應該去睇下，因為好似一年前就開始傳出，熟食
市場會進行裝修。

雖然熟食市場外面睇落好似好污糟，但係裡面都有好多美食架。

其實，之前晌尖沙咀返工，日日下晝都晌東園食飯已經變成我既飯堂一樣，希望話俾大家知晌尖沙咀食野，好食的唔一定要貴。

首先，要推介他們的咖哩吉列豬排飯，呢樣食物好多地方有得食，但唔係一定做得好食。但係呢度既咖哩吉豬，一定唔會令人失望。

他們的秘制咖哩汁，香濃但不會辣，適合大人及小朋友。 吉列豬排即叫即整，入口時香脆，豬排炸得剛剛好，唔會干晒，仲有肉汁。

加上一杯凍奶茶，正呀。但係記得要小甜，我會叫小小甜，因為水吧大哥落甜都幾重手呀。

埋單都係三十幾，好味。

搵日，我都係返去嘆下先。

麻煩外母2

上次，輕輕帶過外母既麻煩。其實，仲有其他野架。

暑假就到，麻煩野有出現喇。

好似早兩個星期，小弟見公司出左年終獎金，就口痕問下外父幾時放大假，不如同班細路一齊過大海，吃喝玩樂，賭番兩手啦。當然，我已經預左請外父同外母去，但係點知，外母咁樣問我，真係唔知俾咩反應佢。

(食飯中)

我：爸爸，你幾時放大假呀，不如暑假一齊去澳門玩兩、三日
(大、小魔怪聽到有得去玩已經好high)
外父：下，好平呀，唔知拎唔拎唔到假喎
我：咁你睇下，七月八月，你下幾時啦

(點知外母一句問過黎)
外母：做咩呀，唔使錢呀。
我：唔係呀，我諗住請爸爸同你去嘛
外母：唏，咁咪又係要錢，唔好喇

其實呢，如果係我老竇同老媽子呢，一定唔會講錢先，一定係夾時間，因為佢地知道我問得出，基本上，錢都唔係太貴。

我真係唔明囉，外母甚麼事也以錢$$行先，咁樣真係快樂咩。同一家人一齊去活動，帶來既回憶，有時係無價呀

麻煩外母

唔知大家睇到「麻煩外母」, 會點樣演繹呢？

係覺得有野要麻煩佢，定佢好麻煩呢？我就一定係後者喇。

其實我知咁講唔係幾好，但係佢三幾個月就發一次脾氣，真係好煩

做人新抱難，做人女婿何嘗唔難

經常聽到一些已婚既女性朋友話，做人新抱好難。

其實做人女婿，何嘗唔係呢?

每日返工已經要受上司同同事既氣，放工回家又話要男女平等，丈夫要分擔部份的家務，洗衫煮飯不在話下。如果有小朋友的，又要兼顧他們學習的問題。最後，如果仲要同外母住，真係都幾辛苦。

佢地會不斷安排工作叫你幫手，基本上，所有假期的時間都是別人的。仲要對你冷嘲熱諷的時候，你根本沒有還撃的權利。

新抱們，你們仲可以對老公投訴。女婿呢??可以對誰申訴哦。

唔經唔覺原來我個仔都大過左好多~~

唔經唔覺原來我個仔都大過左好多~~~~~~~, 早兩日傾開一啲野, 發覺自己真係老左~~~, 對話內容如下

星期六黃昏, 例行公事同佢去學武術, 晌過馬路既時候, 發現前面有一對小情侶 (大約中一, 二度啦), 我就好語重心長咁同佢講喇,

我: 阿仔呀, 你唔好好似前面個哥哥同姐姐咁, 咁快拍拖喎
仔: 冇~~(好快咁答, 但係佢既表情超唔好意思)
我: 仲咩呀, 你唔係拍拖呀?? (大驚, 身為父親, 我唯有梗係追問啦
仔:梗係冇, 我唔會咁快拍拖 (好堅定咁, 雙眼有星星)
我: 哦, 係呀, 唔好咁快拍拖呀
仔: 我先唔會呀
我: 點解呢?? (我真係好想知呀, 你快啲講啦)
仔: 咁我仲想玩下先嘛~
我: 哦, 玩下先!? 下, 拍左拖, 唔玩得呀??
仔: 係呀, 拍左拖就唔同架喇
我: 哦~~~ (忍笑中, 心諗拍左拖有咩唔同呀, 可能仲玩得癲啲呀)
我: 咁你唔好咁快拍拖喇
仔: 知道~~~~


唉!! 我其實都唔知開心定唔開心好, 佢/而家啲細佬諗緊咩呀~